Үйлчилгээний нөхцөл

“Өрхийн шалгуур” нь түрээслээд өмчлөх төрийн орон сууцны журмын шалгуурт өрх тохирох эсэхийг нийтэд нээлттэй эх сурвалжаар урьдчилан тооцоолдог бие даасан, мэдээллийн хэрэгсэл юм.

Энэ сайт нь Төрийн орон сууцны корпораци (ТОСК), “Солонго 1,2” төсөл болон аль ч төрийн байгууллагатай ямар ч хамааралгүй. Бид бүртгэл хийхгүй, дараалалд оруулахгүй, материал бүрдүүлж өгөхгүй.

Бүх үр дүн нь таны оруулсан мэдээлэл болон нийтэд мэдээлсэн журам, мэдээнд тулгуурласан урьдчилсан тооцоо, таамаглал юм. Албан ёсны оноо, дүгнэлт, шалгарах баталгаа, хамрагдах эрхийг илэрхийлэхгүй.

Онооны албан ёсны аргачлал, өрсөлдөөний тоо, гэрээний нөхцөл, урьдчилгааны хувь зэрэг нь өөрчлөгдөж болно. Үр дүн бүрт эх сурвалж, найдвартай байдлыг тэмдэглэсэн. Шийдвэр гаргахаасаа өмнө албан ёсны мэдээллийг tosk.gov.mn болон холбогдох байгууллагаас баталгаажуулах нь таны үүрэг.

Бид үр дүнд тулгуурлан гаргасан шийдвэрийн үр дагавар (бүртгүүлсэн, бүртгүүлээгүй, зээл авсан гэх мэт)-ийн төлөө хариуцлага хүлээхгүй.

Шалгалт, сарын төлбөрийн тооцоо үнэгүй. “Танд таарсан зөвлөмж” нь 5,000₮-ийн нэг удаагийн төлбөртэй. Энэ нь зөвхөн энэ хэрэгслийн тооцоо, зөвлөмжийн үнэ бөгөөд ТОСК-ийн бүртгэлийн төлбөр биш.

Төлбөрийг wire.mn төлбөрийн үйлчилгээгээр банкны апп эсвэл QR-аар хийнэ. Бид картын болон дансны мэдээллийг хадгалдаггүй. Төлбөр баталгаажмагц зөвлөмж нээгдэнэ.

Зөвлөмж нээгдсэний дараа үйлчилгээг шууд үзүүлсэн тул төлбөрийг буцаан олгохгүй. Харин төлбөр баталгаажсан боловч техникийн алдаанаас болж зөвлөмж нээгдээгүй бол төлбөрийн баримтаа хадгалан доорх хаягаар холбогдоно уу.

Төлсний дараа үр дүнгээ PDF-ээр шууд татаж авахыг зөвлөе. Үр дүн энэ төхөөрөмжийн хөтөч дээр түр хадгалагдах бөгөөд хөтчийн мэдээлэл цэвэрлэгдвэл алга болно.

Таны оруулсан мэдээлэл таны төхөөрөмжийн хөтөч дээр байна. Тооцоо хийхэд мэдээллийг сервер рүү илгээдэг боловч бид хадгалдаггүй, лог болгон бичдэггүй. Хостинг үйлчилгээ нь хүсэлтийн техникийн мэдээллийг (цаг, IP хаяг гэх мэт) хадгалж болно.

Төлбөрийн нотолгоо нь гарын үсэгтэй токен хэлбэрээр таны төхөөрөмж дээр хадгалагдана. “Өөр төхөөрөмж дээр нээх холбоос” нь зөвхөн төлсөн эрхийг дамжуулах тул бусдад бүү өгөөрэй.

Та өөрийн болон зөвшөөрөл өгсөн хүмүүсийн мэдээллийг л оруулна. Оруулсан мэдээллийн үнэн зөв байдлыг та хариуцна.

Албан ёсны бүртгэл 100% цахимаар, tosk.gov.mn дээр ДАН системээр, цаасны бичиг баримтгүй, үнэгүй явагддаг. Бид болон өөр хэн ч “дараалалд оруулж өгнө”, “материал бүрдүүлж өгнө” гэж мөнгө нэхэх ёсгүй. Ийм санал тавьсан хүнийг залилан гэж үзнэ үү.

Журам, албан ёсны мэдээлэл өөрчлөгдөхөд тооцоо, эдгээр нөхцөлийг шинэчилж болно. Шинэчилсэн нөхцөл сайт дээр нийтлэгдсэнээс хойш хүчин төгөлдөр болно. Холбоотой маргааг Монгол Улсын хууль тогтоомжийн дагуу шийдвэрлэнэ.